AZERAOSE AAD PRINSE

 

Daag van de nuuje AAP


Deze daag begos ein bietje mistroostig, get raegen, naat en veul bewolking. Maar toch haaje de aape gooie mood en zin d’r in. En natuurlik mos eine te laat komme deze daag en waal ongergeteikende razende reporter.
Nao veul grappe, grolle en lachsalvo’s en onger de geweldige klanke van Pieter mit zien gitaar komme veer aan in Klein K├Âlle biej de boswachter. Dao zitte twee AAPe. De vraog is waem der in de pakke zitte. Nao inkele vraoge van nuuje AAP Dennis II is bekint det ut Chris Rutten en Nettie Withood zeen.

“On we go” op nao de Huifkarhoeve in Vlodrop, nao de zeer welkome sjpek mit eier. Naodet veer ederein hubbe weggejaag kinne veer lekker beginne mit bikke. De eier sjmake weer good dit jaor. Onger ut aete wirt ein fotoreportage aafgesjpeelt van ut AAPereisje van aafgelaope jaor. Deze waas georganiseert door Pieter Classen.

Nao ut aete kumpt de veurdrag van Pieter mit adjudant Roel Hermans. Echter nao ein paar regels gezonge te hubbe, komme opins adjudante Rick Suntjens en Loek Cox binne en vraoge aan Pieter of der neet get vergaete is! Bliekbaar waal, want adjudant Roel moog naeve ziene prins plaats naeme en loestere nao de veurdrag van Pieter, Rick en Loek. Ut zeen maar leefs 12 kentjes die ze hubbe volgesjreve. Hiejnao kriege veer nog een geweldig filmke te zeen mit foto’s en opnames van diverse dage tiedes ut seizoen van AAP Dennis II. En waat ein geweldig seizoen waas det!!