AZERAOSE AAD PRINSE

 

AAPe-reis 2012


Alweer 5 jaor geleeje, dus ’t waerdt weer tied veur ein nuuj reisje. Dit keer haet Ronald I, Stephan I en Eric I ’t reisje georganizeert. Veur gaon nao Löf aan de Moozel. Veur vertrèkke op 21 september òm half twee vanaaf “De Keizer richting Löf. De sjtumming zit d’r al drek good in, want Pieter haet zien raos gitaar biej zich en idderein zink oet volle bors mèt. Dit keer höbbe veur eine ehte sjefeur, want in ein paar uurkes sjtaon veur al veur ’t hotel. Sjnel insjekke en nao de hotel-hoeskamer ein pilske pakke. Òm 6 oer sjuuve veur aan veur ’t aete en aansjloetend de hotelbar in . Dao is ’t baere gezellig mèt laevende meziek van 2 muzikante en waert flink gedans. Auch de trein duit ’t dao good.

Zaoterdig nao ’t ontbijt sjtappe veur in ein paar taksieböskes en geit ’t mèt ein rotvaart van 120 km/u en de haor rech op naeve de moozel nao Cochem. Dao waerd in gruupkes ’t sentrum ònveilig gemaak en veural Pieter steult de sjouw met zien raos gitaar en gezang. Veural ’t duet met eine sjtraotmuzikant woor geweldig. Alwies koch noch ein leuk soevenier veur John omdet dae allein woor. Ein leuke damessjlip en dao sjteit op “finger weg, Heute Ruhetag”. Truuk in ’t hotel aeve opfrisse, aansjuuve veur ’t aovendaete en dan weer de bar in. Inkele dames deeje lever ein sjpelke en trokke zich truuk in de röstige hoeskamer. Òngertösse is ’t in de bar weer Remmi-Demmi toet in de laate uurkes. Dan is ’t veur vesjillende kuns om weer op de gooj kamer terch te kòmmme.

Zonjig waere veur aan ’t ontbijt al verwelkomp met gezang van Pieter. Nao ’t ontbijt sjtijt ein boottoch op ’t programma. ’t Is neet erg werm, mer det kènt de pret neet drökke. Veur de heere is ’t op ’t dek mèt ein glaas beer good oet te haaje. De dames zitte lekker werm ònger in de boot.
Truuk in ’t hotel waere de koffers klaorgezat en nog lekker get gedònke op ’t terras toet de bös kump. Die brink hoos nao “De Ridder van Asenrode” woo nog ein aafsjiedsdinee op ’t prograama sjteit. Mèt de boek good vol gaon veur vòldaon nao hoes.

 

 

Klik op foto voor filmpje